Search
 
 

Display results as :
 


Rechercher Advanced Search

Latest topics
» Allah Insaan Sey Fermata Hey.......
Sun Jun 23, 2013 7:01 am by rahmanmujeeb

» Hadith - Faith in Allah
Tue Jun 14, 2011 11:44 am by Lacra

» Hadith - Kitabul Imaan
Thu Dec 16, 2010 1:33 am by Deewana_89

» How can we Protect Ourselves from the harm of the Jinn?
Sat Oct 30, 2010 8:25 pm by Lacra

» Eid Mubarak!
Fri Sep 10, 2010 4:15 am by Lacra

» Why Do Muslims Fast In Ramadan?
Wed Aug 11, 2010 8:57 am by Lacra

» The Pillars of Fasting
Wed Aug 11, 2010 3:55 am by Lacra

» ramzan ki fajeelat
Sun Aug 08, 2010 10:16 pm by ms s quadri

» Discover Islam-The Fastest Growing Religion in the World
Fri Aug 06, 2010 6:31 am by Nasir

Shopmotion


Navigation
 Portal
 Index
 Memberlist
 Profile
 FAQ
 Search
Affiliates
free forum
 


Log in

I forgot my password


Qabar ki Pukaar :- (Part 1)

View previous topic View next topic Go down

Qabar ki Pukaar :- (Part 1)

Post  Deewana_89 on Sun Jan 04, 2009 12:31 am

Qabar ki Pukaar :- (Part 1)

Huzoor Nabi Akram (S.A.W.) ne irshad farmaya ki qabar par koi din aisa nahi guzarta jis din woh ye elaan na karti ho ki Aye Aadam ke bete tu mujhe bhool gaya. Main tanhayee ka ghar hoon, Main wehshat ka ghar hoon, Main tangee ka ghar hoon, Main keedo ka ghar hoon.
Jab murde ko qabar mein dafan karte hain to qabar se ye aawaz aati ahi ki Aye Shakhs tu kitna ghafil aur befikr tha ki tu mere seene ko saari umar badi be dardi se raundta raha hala ki tu jaanta tha ki teri aakhri manzil main hoon aur mere andar keedo ki panaah gaahein hain main ranj-o-takleef ki jagah hoon main woh haibat naak jagah hoon jahan sirf andhera hi andhera hai lekin afsos ki tune kabhi na soca na yaad rakha !
Qabar kehti hai ki main in marne walo ke kafan phaad deti hoon, Badan ke tukde - tukde kar deti hoon, khoon sara choos leti hoon, gosht kha leti hoon aur aadmi ke jod jod juda kar deti hoon.


Qabar ki Pehli Raat :-


Quran-E-kareem mein Allah Tabarak Tala ne irshad farmaya "Kullu Nafsin Zaiqatul Maut" Agar hum ghaur se sochein aur dekhein to is duniya ki bahut badi shadi mein bhi maut ki ek jhalak hai.

Lafz-E-Widaa : Lafz-E-wida ke maane rukhsati karna hai. Dar asal yeh lafz aise hi mauqe par bola jaata hai jahan par kisi ko rukhsat karna maqsood hota hai.
avatar
Deewana_89

Posts : 53
Join date : 2009-01-03
Age : 28

Back to top Go down

Qabar ki Pehli Raat (Part 2 ) :-

Post  Deewana_89 on Sun Jan 04, 2009 12:32 am

Qabar ki Pehli Raat (Part 2 ) :-


Lafz-E-wida Ramzan shareef ke mauqe par :- Ramzan shareef ke aakhri jume ko "Jumat-ul-wida" kehte hain ki is Ramzan mein phir koi Juma nahi aata.
Janab Rasoolullah (S.A.W.) ke Hajj mubarak ko is liye Hajjatul Wida kehte hain ki uske baad Aap (S.A.W.) musalmano se rukhsat ho kar apne parvardigaar se ja mile.
Lafz-E-Wida shaadi ke mauqe par :- Is lafz ka istimaal khas kar beti waalo ke yahan hota hai kyuonki is ghar se beti rukhsat hokar apne piya ke ghar jaati hai.
Jis tarah beti wale is lafz ka istimal karte hain isi tarah bete wale bhi kar sakte hain Yaani jis tarah ladki apne maa baap aur saheliyo se rukhsat ho kar apne dulha ki ho gayi isi tarah se ladka bhi apne dosto se rukhsat ho kar ke dulhan ka ho gaya. Jaisa ki purane logo ka kehna tha ki jab kisi ka byaah ho jaye to samjho ki dosto se chhut gaya aur jab uski aulaad ho jaaye to samjho ki marr gaya.
Gharz yeh tammam baatein ek haqeeqat ka majaaz hain to phir baat jo is waqt arz karni hai woh haqeeqi wida hai, woh haqeeqi maalik ke ghar ki rukhsati hai, haqeeqi aur majaazi ki baatein taqreebam milti julti hain lekin asal mein naqal ka farq hai.
Insha Allah jahan tak ho sake is mazmoon ko Quran Majeed aur Hadees Paak se saabit karne ki koshish ki jaayegi.
Zara ghaur se suniye aur phir amal bhi kijiye : Duniya mein aapko baaz ladke aur ladkiyaan aise bhi mile ge jin ka aaj tak nikaah nahi huwa aur ab shaadi hone ki bilkul ummid bhi nahi rahi aur unki umrein ho chuki lekin iske ulte uske haqeeqi piya ke ghar jane se koi nahi bach saka, tamaam logo ko jaana hoga aur ek din zaroor jaana hoga, chahe woh kisi mulk ya kisi qaum ya kisi mazhab ke hoon sab ke liye yeh farmaan baraabar hai. Sachche maalik haqeeqi ka paigham suniye.
Qurban jaiye kitne pyaare alfaazo mein apne mushtaaqo ko khushkhabri di hai. Yeh ek khat hai jo hamare naam aaya hai jis ka maqsad aur matlab yeh hai ki shaadi ki tayyari karte raho kahin aisa na ho ki baraat aa baithe aur tumhare paas jahez ka saaman tayyar na ho.[center]
avatar
Deewana_89

Posts : 53
Join date : 2009-01-03
Age : 28

Back to top Go down

Qabar ki pehli Raat (Part 3)

Post  Deewana_89 on Sun Jan 04, 2009 12:33 am

Qabar ki pehli Raat (Part 3)


Khat kaisa :- Bus yoon samajhj lijiye ki ab mangni ho chuki hai, na maloom kis waqt aur kab shaadi ka paigham aa jaye.
Dulhan ka maiyoon baithna :- Beti wale 7 - 8 din pehle ladki ko maiyo bithate hain aur ubtan malkar use nehlate hain ki dulhan ki saheliyo se mohabbat kam ho jaye, apne piya ka tasawwur bandh jaye, aur mail kuchail se paak ho kar khubsoorat ho jaaye taki dulha khush ho aur yeh samjhe ki meri dulhan bahut hi khubsoorat hai.
Haqeeqi wida mein bhi yeh baat hai ki mautse pehle beemari aati hai is ka matlab yeh hota hai ki banda gunaaho se paak aur saaf ho jaye. Duniya aur duniya waalo ki mohabbat ko bhool kar ke apne haqeeqi wida (yaani duniya se rukhsat hone aur marne) ke din bilkul qareeb hai.
Haqeeqat aur majaaz mein itna hi faq hai ki wahan maike aane ki ijazat hai aur yahan nahi.
Janab Rasulullah (S.A.W.) ne irshad farmaya :- bukhar ko bura mat kaho woh insaano ke gunaaho ko is tarah se door karta hai jis tarah se lohe se mail kuchail ko aag door karti hai.
Dulhan ka banao shringhar :- Dulhan wale beti ko nehla dhula kar surkh joda pehnate hain aur khushboo lagate hain maang nikaalte hain aankho mein surma, aur haatho mein mehandi lagai jaati hain zewraat pehnaaye jate hain haatho mein kangan gale mein haar aur pair mein jhanjhar pazeb waghaira pehnayi jaati hai.
avatar
Deewana_89

Posts : 53
Join date : 2009-01-03
Age : 28

Back to top Go down

Qabar ki pehli Raat (Part 4)

Post  Deewana_89 on Sun Jan 04, 2009 12:34 am

Qabar ki pehli Raat (Part 4)


In baato ki aarastgi aur sajawat kyuon ki jaati hai ???? kabhi kisi ne socha hai ?????? isliye ki piya ko yeh baatein bhaati hain aur achchi lagti hain. uska maang wala sar aur baaliyo wale kaan achche lagte aur usko mehandi se range haath paun bhale lagte hain is gharz se tamaam kaam poore kiye jaate hain ki kisi tarah dulha ko pasand aa jaaye.
Sachche Dulha :- woh khud bhi niraale aur unka singhaar bhi niraala hai. dulhan ko nehlaya gaya, Khusboo ki jagah kafoor chidka gaya, maathe par itar lagaya gaya, surkh jode ki jagah safed kafan pehnaya gaya. Allahu Akbar. mubarak aur khush naseeb hain woh dulhanein jo apne sachche piya ki taalib hain.
Maalik haqeeqi ko woh sar pasand nahi jis mein maang nikali gayi ho woh peshani pasand nahi jis ko khoob chamkaya gaya ho, jo uske alawa aur kisi ke aage jhukaai gayi ho balki hamesha usi ke aage sajde mein jhuki rahi ho, baaliyo wale kaan pasand nahi balki use woh kaan pasand hain jo gheebat, , jhoot, raag, baaje, naach gaane, aur gandi baato ke sunne se paak hoon.
Unhein woh surmagee aankhein pasand nahi balki unhein woh khaufzadi aankhein pasand aur pyaari hain jo unse dar kar roti hain unko massi lage huwe honth daant aur zabaan pasand nahi balki unko woh honth aur zabaan pasand hain aur mehboob hain jo zaroorat aur haajat ke waqt kisi doosre ke aage na phailaye jaaye aur har waqt Bargaah-e-ilaahi mein bandhe huwe aur uthte rahein. Maalik-e-haqeeqi ko pazeb aur jhanjhar wale paun pasand nahi balki Allah Jalle shanahu ko wahi paun pasand aur mehboob hain jo Allah Taala ke raaste mein gard aalud hoon jo har nek kaam ke liye uske raaste mein chal kar jaayein, Allah Taala ko syaah baalo waali dulhan pasand aur khush nahi kar sakti. Haan unko woh dulhan khush aur raazi kar sakti hai jisne Islam mein Allah aur uske Rasool (S.A.W.) ke farma bardari ki haalat ke andar reh kar apne baal safed kiye hoon is par waqai Allah Taala ko rahem aata hai.
avatar
Deewana_89

Posts : 53
Join date : 2009-01-03
Age : 28

Back to top Go down

Qabar ki pehli Raat (Part 5)

Post  Deewana_89 on Sun Jan 04, 2009 12:35 am

Qabar ki pehli Raat (Part 5)


Haqeeqi Maalik ko kaale aur gore mein koi imtiyaz aur faraq nahi unko to woh dil mehboob hai jo gunaaho se paak aur saaf ho. Jo Allah Taala ki sachchi mohabbat aur taugeed se bhar poor aur labrez ho. kiya hi khoob kaha hai :

Na kaali chahein na gori ko chahein
Piya jis ko chahein suhaagan wahi hai

kiya hi khush naseeb aur nek bakht hai woh dulhan jo in zewraat se aarasta aur maala maal ho kar apne pyaare piya ke ghar rawaana hoon.


Mayyat ki Pehli Raat :-

Aah! ek din marna bhi humko hai zaroor
Sab ko jaana ahi Allah ke huzoor
Idhar bhi yahi baat ahi ki agar banda qabar mein pehli raat hi mein apne aaqa ko pasand aa gaya to irshaad hota hai :-
Salamun Qaulam Mir Rabbir Raheem (sure yaseen, parah no.23)
Salamun alaikum tibtum fadkhulooha khalideen (sure zumur, parah no.24)
Gharaz yeh ki banda phir har qism ki nimato se maala maal hoga, majaazi dulhan ko woh neend naseeb kahan ? jo banda momin ko apni qabar mein aati hai.

Mila sone waalo ko aaram woh
Ki uthne ka naam lete nahi woh
Lihaza jab unko piya hi uthayega to uski aawaz ko sunkar hi uthein ge kitni pyaari aur mubaarak hai woh dulhan jis se uska piya khush ho jaye aur agar Allah na kare piya khafa ho jaye aur koi bhi ada is pardesi musafir ki un ko pasand na aayi.........
avatar
Deewana_89

Posts : 53
Join date : 2009-01-03
Age : 28

Back to top Go down

Qabar ki Pehli Raat (Part 6)

Post  Deewana_89 on Sun Jan 04, 2009 12:36 am

Qabar ki Pehli Raat (Part 6)


Aur unho ne keh diya ki sab kuch sahi lekin surat shakal kisi kaam ki nahi yaani tera dil jo meri jalwah gaah thi woh to syaah hai aur usne sakhti ke lehje mein farmaya :
Farsoohu minan naar, waftahu lahu minan naar, waftahu lahu minan naar
Is holnaak aawaz ka jo kuch asar is bad surat dulhan par hoga
Na oozu Billahi Min Zaalik. Allahumma ahfazna
Tauba Ilaahi. Ab dekhna yahi hai ki kaun si dulhan apne piya ke paas jaane ko banao singhaar karti hai.
Haqeeqi piya duniya ka banao singhaar aur maal 'o' daulat nahi chahte balki woh apne bando se apni farma bardaari chahte hain is liye is ko padhne waale bhai behno ko khidmat mein zaroori arz hai ki woh apni is baqaya umar aur waqt ki kadar karein, apni jawaani aur sehat aur zindagi ko anmol jaane, Mauqe koo haath se jaane na dein, warna phir waqt guzar jaane ke baad pachtana padega phir sab bekar aur be sood hoga.
Jis par malik ki nazar padti hai usko banao, is zahiri banao singhar shaan 'o' shaukat ko jaane do ab bahut ho gayi, jo rahi sahi zindai hai usko sanbhalo aur zahiri tip top ko chhod do warna pachtaoge.
avatar
Deewana_89

Posts : 53
Join date : 2009-01-03
Age : 28

Back to top Go down

Qabar ki pehli Raat (Part 7)

Post  Deewana_89 on Sun Jan 04, 2009 12:36 am

Qabar ki pehli Raat (Part 7)


Kuch to kar lo banao chalte waqt......................jaake surat use dikhani hai
Bus yahi aap ki byaah aur shadiya hain agar inhi par ghaur kiya jaye to bahut kuch ibrat aur naseehat haasil ho.
Sirf aapko samjhane ki gharaz se aap ki shaadi ki hi misaal de kar (jo ki aaj kal khas rang raliyo se ki jaati hai) samjha gaya hai. allah Paak se duwa hai ki woh mujhe aur aap ko samajhne aur amal karne ki taufeeq ata farmaye aur mere liye aur mere ghar walo ke liye is ko zariya-e-nijaat banaye aur maut ki sakhti talkhi aur qabar ke azaab se bachaye (Aameen)

Allahumma inni Auzu bika min Azab-il-qabri wa Azab-i-Jahannam.
Faatabiro ya ulil Absaar

Completed !
avatar
Deewana_89

Posts : 53
Join date : 2009-01-03
Age : 28

Back to top Go down

Re: Qabar ki Pukaar :- (Part 1)

Post  Nasir on Wed Aug 12, 2009 12:31 am

jazakallah khair Deewana ji...............Allah hame qabar k azaab se mehfooz rakhe.....Aameen

Nasir

Posts : 338
Join date : 2009-07-30
Location : saudi Arabia

Back to top Go down

Re: Qabar ki Pukaar :- (Part 1)

Post  Sponsored content


Sponsored content


Back to top Go down

View previous topic View next topic Back to top

- Similar topics

 
Permissions in this forum:
You cannot reply to topics in this forum